Barrutialde BHI, Urdaibai Biosferaren Erreserba ikusgarrian kokatutako ikastetxea dugu. Natura ingurune baten, Gernika-Lumo kilometro batera dugu eta Laga eta Laida hondartzetara joateko bide gara.
Publikoa, akofensionala eta ikasketa-ibilbide desberdinetan oinarritutako ikastetxe euskalduna gara. Institutu txikia eta ikasle bakoitzaren ezaugarri eta beharretara egokitzen den heziketa bermatzen duen ikastetxea, kasu bakoitzeko aniztasun ezberdinak zainduz. Europara eta mundura irekita gaude, eleaniztasuna bultzatuz. Horrez gain, irakaskuntza eta ikaskuntza-prozesuak egokitzea da gure asmoa, informazio eta komunikazio teknologiak egunerokoan txertatuz.
Esaldi batean, Etorkizunerantz begira dagoen Urdaibai Eskualdeko ikastetxea gara: modernoa, eleanitza, jasangarria eta digitalizazioan aitzindari.
Derrigorrezko Bigarren Hezkuntza, Batxilergoa eta goi mailako eta erdi mailako Lanbide Heziketa zikloak (Zurgintza eta Fabrikazio Mekanikoko lanbide arlokoak) eta ZIG (Zereginen irakaskuntza gela) ematen dira.
Ilusioz beteriko lan taldea
Ilusioz beteriko profesionalez osatutako lan taldea gara. Elkarlanean, egungo gizartearen eskakizunei erantzun eta gure ikasleek pertsona bezala nahiz lan munduan izango duten arrakasta bermatu nahi dogu.
Kontaktua eta ordutegia
Harremanetan jartzeko:
Telefonoa: 94 428 78 29
Fax: 94 428 78 30
Helbidea: Barrutia Auzoa 7,48383 Arratzu
e-mail: 015021aa@hezkuntza.net
Ikastetxea zabalik dago:
07:45etik 20:30era (irailetik ekainera)
08:00etatik 14:30era (uztailean)
Idazkaritzako ordutegia:
08:00etatik-14:30era
Azpiegitura eta baliabideak
- Metal tailerra
- CNC gela
- Metrología gela
- Diseinu gela
- Zurgintza tailerra
- Pintura tailerra
- Liburutegia
- Multimedia gelak
- Informatika gelak
- Laborategia
- Gimnasioa
- 3D inpresorak
- Bideo proiektorak
- Arbel digitalak
- Bideo kamarak
- Argazki kamarak
- Aldagelak
- Relax guneak
- Gune berdeak
Historia
Gaur egun Lanbide Heziketa Barrutialde institutuko heziketa eskaintzaren zati bat bada ere, jatorrian, egia esan, “Artes y Oficios” delako zentroa izan zen, hori dela eta aipamen txiki bat egin nahi dugu Gernikaldeko Lanbide Heziketaren inguruan.
1905. urtean sortu zen Gernika lehen “Escuela de Artes y Oficios”, gazteen lan eskaintza berrien ekarpena izan zen.
Oinarrian, ikasketa tekniko eta lanbideen eskaintza zabalaren artean kokatzen zen zentroa, garai hartan hedapen handia izan zuten Euskal Herri osoan zehar.
Haatik, bere funtzionamendua ez zen espero bezalaxe, presupuesto murritzarengatik. Urte batzuk gerorago, 1923an hain zuzen, zentroko zuzendariak aipatzen zuen: zentroan ematen ziren ikasgaiak eta eskola eredu horretan eskatzen dena ez zetorrela bat. Arazoa konpontzeko asmoz zentroan erreforma handia egin zen; “Lanbide-hobekuntza” modeloa aukeratu zen, helburu honekin: langileen lanpostuetan lortutako ezagupenak eduki teorikoarekin osatzea.
Eskola udan ere zabalik zegoen. Maiatza eta irailaren artean emakumeentzako ordubeteko ikastaroa ematen zen.
1931. urtean amaitu zen bertako langileak irakasteko sortu zen instituzioa Gernika-Lumon, II. Errepublika garaian erabaki zen honelako ikastetxeak desagerraraztea eta Bigarren Hezkuntzako institutu mistoa sortu, 1934-1935 ikasturtea izan zen lehenengoa, horretarako udalak erositako Sociedad Gerniquesako eraikuntza zaharrean.
Garai hartan alfabetatze mahaia nabarmen handitu zen Heziketa Eskaintza aukera handiago eta bizilagun gehientzat hurbilago zegoelako.
1945. urtean “Centro Sindical de Formación Profesional” delakoa hasi zen normaltasun osoz, Gernikako Taller Escuela, Obra Sindical de Formación Profesional menpean, gaur egun Kultur Etxea dagoen eraikuntza batean. Metalurgia, zurgintza eta arotzerian zeuden langile espezialistak hezteko helburuarekin sortu ere.
Ikasketa planak Ministerio de Educación Nacional-ak markatzen zituen eta zentroak 150 ikasleentzat izan zen.
Lehenengo hamarkadan ikasle kopurua 1000tik igo zen, ajustador izan zen eskaintza ugariena 571 ikasle matrikulaturik zeuden, bigarrena torneruak (325 ikasle), arotzak-zurginak (135 ikasle) eta delineanteak (15 ikasle).
Lehen hamarkada honetan ikasleen baxak ohikoak ziren zeren eta gerra ondorengo garaian familiek egoera ekonomiko eskasa izan baitzuten.
1960. ikasturtean 200 ikasle baino gehiago zeuden.
1981-1982.enean ofizialki hasi zen ikasturtea Barrutialde zentro berrian, gaur egun Barrutia auzoan dagoen orubera aldaratu zuten.
80. hamarkadaren amaieran Heziketa Eskaintza handitu zen: REM (Heziketa ertaineko erreforma, Reforma de las Enseñanzas Medias) delakoarekin eta Batxilergo Tekniko Industrialarekin.
Honekin batera zentroak eskaintzen zituen Zeregin Heziketako (Formación Ocupacional) ikastaroak langabezian dauden pertsonentzat eta lantresnari berriaz hornitu zen.
1998. urtean Eusko Jaurlaritzako Hezkuntza Sailak mapa eskolarra berrantolatu zuen eta institutuak DBH, Batxilergo Zientifiko Teknologikoa eta Heziketa Zikloak ematen zituen.
