Barrutialden argi dugu urteko 365 egunak direla euskaraz bizitzeko, lan egiteko, ikasteko, jolasteko…Baina gaur, horrez gain, ospakizun eguna da, egindako urratsez harro gaudela aldarrikatzeko eta egiteke daudenei ekiteko prest gaudela adierazteko.

Horretarako, eta nahiz eta eguraldiak eta COVID-19k eragindako egoera ez izan gustatuko litzaigukeena, hainbat ekintzekin ekin diogu ospakizunari: txalaparta, kaxa eskalada, herri kirolak, ginkana, txokolate beroa eta bizkotxoak…Giro onean joan da eguna, eta ondo pasatzeaz gain, ozen aldarrikatu dugu euskaraz bizi nahi dugula.

GORA EUSKARA!!!!!

Euskara egunaren harira, gaur Batxilergoko 1. mailako ikasleok Elai-Alai aretora joan gara Hamaika Orduko Irakurraldira.

Aurton, Pako Aristiren Urregilearen orduak liburuaren pasartea irakurtzea egokitu zaigu. Esperientzia atsegina izan da eta datorren ikasturtean ere, ekimen honetan parte hartzeko asmoa daukagu.

Bideo pasarteak ikusi nahi baldin badituzu gure Instagram-en sartu zaitezke.

Aurreko ostegunean, azaroaren 25ean, Emakumearen kontrako indarkeria desagerrarazteko nazioarteko eguna izan zen. Herri eta hiri askotan ekintza ezberdinak burutu ziren, eta Barrutialde BHIn ere egun hau aldarrikatu nahi izan genuen. 

Gure zentroan Batxilergo eta Lanbide Heziketan ehuneko handi bat gizonak izanik, beharrezkoa ikusi genuen egun honetan gure ikasleentzat ezagunak ziren testuinguruetako indarkeriak jorratzea. Aukeratu genituen gaiak Harreman toxikoak vs harreman osasuntsuak eta Genero indarkeria gaueko aisialdian izan ziren. 

Hausnarketa batekin hasi genuen eguna. Horretarako, eta noski, ikasleen buruak martxan jartzeko, aipatutako gaien inguruko bideoak ikusi genituen. Talde txikitan, agertutako arazo/egoerei buruzko gogoeta egin ondoren, proposamen ezberdinak planteatu zituzten. 

Ikasleen proposamen guztiak gimnasioan antolatu zen mahai-inguruan aztertu eta eztabaidatu ziren. Hiruki Larroxa elkartetik Joseba etorri zitzaigun moderatzaile lanak egitera. 

Benetan aberasgarria izan zen eguna. 

Indarkeria matxistarik ez!

Aukera paregabea eskaintzen du Kirolifek  gure  ikasle ziklistentzat Lanbide heziketako FCT-ak inguruko enpresetan egiteko.

Machining Meets Cycling by CERATIZIT proiektuak ikasten ari diren kirolari gazteen motibazioa garatu nahi du,  kirola zuzen, osasuntsu eta, aldi berean, bere disziplinako elitearen artean lehiatzeko anbizioarekin egiteko, hau guztia fabrikazio mekanikoaren eremuan lanbide-heziketako ikasketak egiteko motibazioarekin batera, non profesional kualifikatuen behar handia dagoen aro berriaren erronkei aurre egiteko.

Asier Urionabarrenetxea Aranbarri, Fabrikazio mekanikoko produkzioaren programazioko goi-mailako ikaslea eta Sub23 txirrindularia, Eiser Hirumeten, kirolifek lagunduta FERTOR BEDIA SLn egiten ari da bere praktikaldia.

Gure ikaslea den Asierri bizikletarako gurpilak oparitu dizkiote bere esfortzu eta dedikaziogatik. Zorionak Asier segi lanean!